श्री धर्म शास्त्र स्तुति दशकम्

आशानुरूपफलदं चरणारविन्द-
-भाजामपार करुणार्णव पूर्णचन्द्रम् |
नाशाय सर्वविपदामपि नौमि नित्य-
-मीशानकेशवभवं भुवनैकनाथम् || 1 ||

पिच्छावलीं वलयिताकलितप्रसून-
-सञ्जातकान्तिभरभासुरकेशभारम् |
शिंजानमञ्जुमणिभूषणरञ्जिताङ्गं
चन्द्रावतंसहरिनन्दनमाश्रयामि || 2 ||

आलोलनीललितालकहारारम्य-
-माकम्रणासमरुणाधरमायाताक्षम् |
आलम्बनं त्रिजगतां प्रमथाधिनाथ-
-मानंरलोक हरिनन्दनमाश्रयामि || 3 ||

कर्णावलम्बि मणिकुण्डलभासमाना-
-गण्डस्थलं समुदिताननपुण्डरीकम् |
अर्णोजनाथभरयोरिव मूर्तिमन्तं
पुण्यातिरेकमिव भूतपतिं नमामि || 4 ||

उद्दण्डचारुभुजदण्डयुगाग्रसंस्थं
कोदण्डबाणमहितान्तमदान्तवीर्यम् |
उद्यात्प्रभापटलदीप्रमदभ्रसारं
नित्यं प्रभापतमिहं प्रणतो भवामि || 5 ||

मालेयपङ्कसमलङ्कृतभासमाना-
-दोरन्तरालतरलामलहाहरजालम् |
नीलातिनिर्मलदुकूलधरामुकुन्द-
-कालान्तकप्रतिनिधिं प्रणतोऽस्मि नित्यम् || 6 ||

यत्पादपङ्कजयुगं मुनयोऽप्यजस्रं
भक्त्या भजन्ति भवरोगनिवारणाय |
पुत्रं पुरान्तकमुरान्तकयोरुदारं
नित्यं नमाम्यहममित्रकुलान्तकं तम् || 7 ||

कान्तं कलायकुसुमद्युतिलोभनीय-
-कान्तिप्रवाहविलसत्कमनीयरूपम् |
कान्तातनूजसहितं निखिलामयौघ-
-शान्तिप्रदं प्रमथनाथमहं नमामि || 8 ||

भूतेश भूरिकरुणामृतपूरपूर्ण-
-वारान्निधे वरद भक्तजनैकबंधो |
पायाद्भवान् प्रणतमेनमपारघोरा-
-संसारभीतमिह मामखिलामयेब्यः || 9 ||

हे भूतनाथ भगवन् भवदीयचारु-
-पादांबुजे भवतु भक्तिरचञ्चला मे |
नाथाय सर्वजगतां भजतां भवाब्धि-
-पोताय नित्यमखिलाङ्गभुवे नमस्ते || 10 ||

इति श्री धर्मशास्ता स्तुति दशकम् ||