ब्रह्मा कृता श्री राम स्तुति

ब्रह्मोवाच |

वन्दे देवं विष्णुमशेषस्थिति हेतुं
त्वामध्यात्मज्ञानिभिरन्तर्हृदि भाव्यम् |
हेयाहेयद्वन्द्वविहीनं परमैकं
सत्तामात्रं सर्वहृदिस्थं दृष्टिरूपम् || 1 ||

प्राणापानौ निश्चितबुद्ध्या हृदि रुद्ध्वा
छित्त्वा सर्वं संश्याबन्धं विषयौघान् |
पश्यन्तीशं यं गतमोहान् यतयस्तं
वन्दे रामं रत्नकिरीतं रविभासम् || 2 ||

मायातीतं माधवमाद्यं जगदादिं
मानातीतं मोहविनाशं मुनिवन्द्यम् |
योगिध्येयं योगविधानं परिपूर्णं
वन्दे रामं रञ्जितलोकं रमणीयम् || 3 ||

भावाभावप्रत्ययहीनं भवमुख्यै-
-र्योगासक्तैरर्चितपदांबुजयुग्मम् |
नित्यम् शुद्धं बुद्धमणन्तं प्रणवाख्यं
वन्दे रामं वीरमशेषासुरदावम् || 4 ||

त्वं मे नाथो नाथितकायाखिलकारी
मानातीतो माधवरूपोऽखिलाधारी |
भक्त्या गम्यो भावितरूपो भवहारी
योगाभ्यासैरभावितचेतः सहचारी || 5 ||

त्वामाद्यन्तं लोकततीनां परमेशं
लोकानां नो लौकिकमानैरधिगम्यम् |
भक्तिश्रद्धाभावसमेतैरभजनीयं
वन्दे रामं सुंदरमिन्दीवरनीलम् || 6 ||

को वा ज्ञातुं त्वामतिमानं गतमानं
मायासक्तो माधव शक्तो मुनिमान्यम् |
वृन्दारण्ये वन्दितवृन्दारकवृन्दं
वन्दे रामं भवमुखवन्द्यं सुखकन्दम् || 7 ||

नानाशास्त्रैर्वेदकदम्बैः प्रतिष्ठाप्यं
नित्यानन्दं निर्विषयज्ञानमनादिम् |
मत्सेवार्थं मानुषभावं प्रतिष्ठानं
वन्दे रामं मकरतवर्णं मथुरेशम् || 8 ||

श्रद्धायुक्तो य: पठतीमं स्तवमाद्यं
ब्राह्मं ब्रह्मज्ञानविधानं भूवि मर्यः |
रामं श्यामं कामितकामप्रदमीशं
ध्यात्वा ध्याता पातकजालैरविगत: स्यात || 9 ||

इति श्रीमदध्यात्मरामायणे युद्धकाण्डे त्रयोदशः सर्गे ब्रह्मदेव कृता श्रीराम स्तुति ||