Adinath Bhagwan Ki Aarti

Aarti Utarun Adinath Bhagwan Ki,
Mata Marudevi Pita Nabhiray Lal Ki.

Rom Rom Pulakit Hota Dekh Moorat Aapki,
Aarti Ho Baba, Aarti Ho.

Prabhuji Ham Sab Utaren Thari Aarti,
Tum Dharm Dhurandhar Dhari,
Tum Rishabh Prabhu Avtari.

Tum Tin Lok Ke Swami,
Tum Gun Anant Sukhkari,
Is Yug Ke Pratham Vidhata,
Tum Moksh Marm Ke Data.

Jo Sharan Tumhari Aata,
Vo Bhav Sagar Tir Jata,
He, Naam He Hajaron Hi Gun Gaan Ki.

Tum Gyan Ki Jyoti Jamaye,
Tum Shiv Marag Batlaye,
Tum Aatho Karam Nashaye,
Tum Siddha Param Pad Paye.

Main Mangal Deep Sajaun,
Main Jagmag Jyoti Jalaun,
Main Tum Charno Mein Aaun,
Main Bhakti Mein Ram Jaun.

He Jhum Jhum Jhum Nachun Karun Aarti,
Aarti Utarun Adinath Bhagwan Ki.